Sela: Vendimi për shkarkimin e ministarve do të zbatohet sot

Kuvendi i Republikës së Maqedonisë së Veriut në seancën e sotme do të votojë për shkarkimin e ministrit të shëndetësisë, Fatmir Mexhiti dhe ministrit të Shoqërisë Informatike dhe Administratës, Azir Aliu.
Ziadin Sela nga radhët e Aleancës për Shqiptarë pas përçarjes partiake, theksoi se do të votojë për shkarkimin e ministrave, duke theksuar se tanimë kanë siguruar numrin e mjaftueshëm të votave.

“Po patjetër që e kemi shumicën, presim që të zbatohen vendimet e organeve të partisë. E kemi marrë një vendim në Këshillin drejtues që në të njëjtën kohë është edhe Komisioni kadrovik i partisë dhe sot duhet të zbatohet ajo që e ka marrë si vendim Aleanca për Shqiptarët”, deklaroi Ziadin Sela, kryetar i Kuvendit të ASH-së.