Serhio Ramos rikthehet në terren, por jo në Evropë

Mbrojtësi spanjoll Serhio Ramos, i cili u largua nga Sevilja verën e kaluar, mund të rikthehet sërish të luajë. Këtë herë jo në Europë por në Argjentinë.

Skuadra amerikano-latine e interesuar për 38-vjeçarin është Boka Juniors. Presidenti i këtij klubi, Rikuelme dhe trajneri i Gago janë të tunduar nga ideja e pranisë së Ramos në ekip.

Për më tepër që Gago e njeh mirë mbrojtësin, pasi dikur kanë qenë shok skuadre te Real Madrid. Në rast se marrëveshja realizohet, Sergio Ramos pritet të paguhet rreth 5 milionë euro.

Për momentin nuk ka asgjë zyrtare, por si mediat argjenginase ashtu dhe ato spanjolle konfirmojnë bisedimet, me Ramosin që pritet të rikthehet në fushë nga janari 2025.