Sevilja me ekipin më të vjetër që luan në Ligën e Kampionëve

Ndeshja Sevilja-PSV (2-3) në Ligën e Kampionëve zhvilluar ditë më parë, ka vendosur dy rekorde të reja. E para i përket golit të realizuar nga mbrojtësi veteran Serhio Ramos, që luan me spanjollët. Ky ishte goli nr. 10.000 në historinë e Ligës së Kampionëve. Golin e parë në historikun e Ligës së Kampionëve, e ka realizuar nigeriani Daniel Amokaçi, 31 vite më parë, kur luante me skuadrën e Brizhit.

Ndërkohë, skuadra e Seviljes ka vendosur rekordin e ekipit më të vjetër që luan një ndeshje të Ligës së Kampionëve. Mosha mesatare e skuadrës që zbriti në fushë ishte 32 vite e 18 ditë.

Rekordi i mëparshëm i përkiste Marsejës, që në vitin 2012 luante me një ekip që kishte moshë mesatare 31 vite e 331 ditë.