SHBA, Japonia dhe Koreja e Jugut tregojnë forcën, zhvillojnë stërvitje të përbashkët ushtarake

Japonia, Koreja e Jugut dhe Shtetet e Bashkuara zhvilluan stërvitje ushtarake ajrore, të cilat përfshinin avionë luftarakë B-52 dhe bombardues të aftë për të mbajtur koka bërthamore. Stërvitjet u zhvilluan tre orë pasi Koreja e Veriut lëshoi një raketë balistike drejt Detit të Japonisë. Shefat e Përbashkët të Shtabit të Koresë së Jugut thanë se raketa u lëshua nga një zonë pranë kryeqytetit koreano-verior, Pjongiang dhe fluturoi rreth 600 kilometra përpara se të ulej në det midis Gadishullit Korean dhe Japonisë. Ministria e Mbrojtjes e Koresë së Jugut tha se stërvitjet pranë ishullit Jeju u mbajtën për të “frenuar Korenë e Veriut nga zhvillimi i kërcënimeve bërthamore” dhe për të përmirësuar aftësinë e tre vendeve për t’iu përgjigjur kërcënimeve. /Alsat.mk