Shenjat e hershme të një gjendjeje të quajtur ‘vrasës i heshtur’
Një gjendje e heshtur, por vdekjeprurëse që mund të qëndrojë e pazbuluar për vite me rradhë mund të na vendosë në rrezik më të madh të sulmit në zemër ose goditje në tru.
![](https://alsat.mk/wp-content/uploads/2024/06/puna-780x470.jpg)
Sipas të dhënave të Organizatës Botërore të Shëndetësisë (OBSH) nga viti 2021, vlerësohet se rreth 1.28 miliardë të rritur nga mosha 30 deri në 79 vjeç në botë e kanë këtë gjendje, që është hipertensioni.
Presioni i lartë i gjakut, ose hipertensioni, është një gjendje që e detyron zemrën tonë të pompojë më fort për të qarkulluar gjakun në të gjithë trupin.
Kështu, përpjekja shtesë ngarkon zemrën, organet e tjera vitale dhe enët e gjakut, duke çuar potencialisht në probleme serioze shëndetësore si sëmundje kardiovaskulare, sëmundje të veshkave, goditje në tru dhe sulm në zemër.
Shërbimi Kombëtar i Shëndetit (NHS) thotë se ne mund të fillojmë të vërejmë simptoma nëse presioni ynë i gjakut është 180/120 ose më i lartë, por 139/89 konsiderohet gjithashtu presion i lartë i gjakut. Megjithatë, vlerësohet se gjysma e njerëzve me hipertension ose nuk janë në dijeni të gjendjes së tyre ose nuk trajtohen, transmeton Daily Express.
Për shkak të mungesës së simptomave, presioni i lartë i gjakut është quajtur “vrasësi i heshtur”. Megjithatë, ka disa shenja për t’u kujdesur.
Ekspertët e Klinikës Cleveland thonë se ekzistojnë tre simptoma të hershme, të cilat përfshijnë:
- Dhimbje koke
- Shikim i turbullt
- Gjakderdhje nga hunda.
Këto simptoma mund të sinjalizojnë një “krizë hipertensioni” dhe duhet të na shtyjnë të kërkojmë ndihmë mjekësore. Megjithatë, e vetmja mënyrë për të ditur me siguri nëse tensioni ynë i gjakut është shumë i lartë është ta testojmë atë – ose me një komplet në shtëpi ose në mjekun tuaj të përgjithshëm.