Shenjat që tregojnë se jeni i lodhur për të vozitur
Shenjat që tregojnë se jeni i lodhur për të vozitur
Drejtimi i një mjeti motorik kur jeni i lodhur rrit ndjeshëm rrezikun e aksidenteve, duke çuar në një numër alarmant të lëndimeve dhe vdekjeve çdo vit, shkruan “Sleep Foundation”.
Një studim i Fondacionit Kombëtar të Gjumit të vitit 2005 zbuloi se 60 për qind e shoferëve raportuan se ndiheshin të lodhur para se të vozisnin. Po kështu, të dhënat e hulumtimit të CDC tregojnë se një në çdo 25 të rritur e ka marrë gjumi gjatë vozitjes në një moment të jetës së tyre.
Disa faktorë mund të shkaktojnë lodhje gjatë vozitjes, si mungesa e gjumit, çrregullimet e gjumit, konsumimi i alkoolit, marrja e disa ilaçeve dhe koha e ditës. Studimet kanë treguar se aksidentet për shkak të lodhjes më së shpeshti ndodhin ndërmjet mesnatës dhe gjashtë të mëngjesit ose në mes të pasdites.
Ekspertët shpjegojnë se është e mundur të dallosh nëse trupi juaj është shumë i lodhur për të vozitur, veçanërisht nëse shkoni në një udhëtim të gjatë.
Gogësimë e shpeshtë, ndjenjë e fortë lodhjeje, fërkimi i syve ose rritja e pulsit, mosndërrimi i korsisë, vështirësi në ruajtjen e shpejtësisë së duhur e dridhje e papritur e trupit – janë disa nga shenjat që tregojnë se duhet ta ndalni veturën dhe të mos vazhdoni më tutje.
