Shira të rrëmbyeshëm në Zvicër/ Dy të vdekur dhe një i zhdukur

Dy persona kanë vdekur si pasojë e rrëshqitjeve të dheut të shkaktuar nga shirat e rrëmbyeshëm në Zvicrën juglindore, ndërsa një është raportuar i zhdukur. Operacionet e shpëtimit janë veçanërisht të vështira për shkak të kushteve të këqija të motit.

Ndërkohë autoritetet u kanë bërë thirrje njerëzve të evakuohen, me shumë zona që kanë mbetur pa energji elektrike.

Vendi ishte goditur tashmë nga stuhi të forta me reshje të shumta gjatë fundjavës së kaluar, të cilat shkaktuan dëme të konsiderueshme në rajonet e tij juglindore.