Shkencëtarët po krijojnë patate që mund të përballojnë valët e të nxehtit
Shkencëtarët po krijojnë patate që mund të përballojnë valët e të nxehtit
Shkencëtarët amerikanë po zhvillojnë patate që mund t’i rezistojnë valëve të të nxehtit për të ndihmuar në rritjen e të korrave në një të ardhme të prekur nga ndryshimet klimatike. Një ekip studiuesish kryen prova në terren në një vend në shtetin amerikan të Illinois dhe vunë re se bima e përshtatur rriti deri në 30 për qind më shumë patate nën stresin e nxehtësisë.
“Rruga premtuese”
Kjo u bë duke shtuar dy gjene për të modifikuar një proces të quajtur fotorespirim për të përmirësuar efikasitetin, duke lënë më shumë energji për rritje më të madhe.
Autorët e punimit, të botuar në revistën Global Change Biology, e përshkruan këtë hap si një “rrugë premtuese për rritjen e rendimenteve përballë një planeti që po ngrohet”. Provat në terren në vende të shumta nevojiten për të konfirmuar gjetjet e ekipit në mjedise të ndryshme.
Skuadra amerikano-angleze
Një ekip i udhëhequr nga Katherine Meacham-Hensold, i përbërë nga shkencëtarë nga Universiteti i Illinois (UIUC) në Shtetet e Bashkuara dhe Universiteti i Essex në Angli, punoi në projekt.
Meacham-Hensold tha se qëllimi i projektit është të plotësojë nevojat për ushqim përballë ngrohjes globale. “Ne duhet të prodhojmë kultura që mund t’i rezistojnë valëve të të nxehtit më të shpeshta dhe më intensive nëse duam të plotësojmë nevojat ushqimore të popullatave në rajonet më të rrezikuara nga rendimentet e reduktuara për shkak të ngrohjes globale,” tha ajo.
“Rritja prej 30 për qind në masën e zhardhokëve të vërejtur në provat tona tregon përmirësime në procesin e fotosintezës për të mundësuar kulturat e gatshme për klimën.”
