“Shkupi 2014”, arkitektët përkrahin idenë për zhvendosjen e monumenteve në park të veçantë

Një pjesë e arkitektëve pajtohen me idenë e kryetarit të komunës së Shkupit Shilegov, për të bërë një park Memento në të cilin do të vendoseshin monumentet e “Shkupi 2014”. Hapi i parë që duhet të bëhet është zhvendosja e monumenteve të ngritura në mënyrë të paligjshme me projektin “Shkupi 2014”, thotë për Alsat profesori universitar Miroslav Gërçev i cili ishte gjithashtu koordinator i komisionit për rishikimin e projektit Shkupi 2014.  Sipas tij, parku duhet të rregullohet siç duhet me gjelbërim dhe gardhe, të cilat mund të vizitohen nga kushdo që dëshiron ti shohë monumentet.

https://youtu.be/-xYy_N0dRJQ

Unë personalisht mendoj se shumica e atyre skulpturave duhet të shkrihen dhe të përdoren për dhjetëra buste të vjedhura dhe të shkrira, për të cilat 30 vite bëhet kulturocid. Aktiviteti i vërtetë në çmontimin e monumenteve do të jetë nëse ata me vlerën më të ulët, me shijen më të ulët, të përdoren si lëndë e parë për të kthyer bustet e heronjve të Luftës së Dytë Botërore”-tha Miroslav Gërçev, profesor universitar.

Sidoqoftë, Kryetari i Shkupit Shilegov tha dje se dislokimi i monumenteve nuk duhet të jetë brutal në mënyrë që të mos lëndohen ndjenjat e qytetarëve që duan t’i shohin ato.

Për shembull, diçka të tillë ka bërë Hungaria. Të gjitha statujat e Stalinit ose simbolet e komunizmit janë vendosur në një Park Memento. Pse të mos e bëjmë të njëjtën gjë me trashëgiminë e diktatorit tonë të vogël”-deklaroi dje kryetari i Shkupit, Petre Shilegov.

Për këtë reagoi partia opozitare VMRO DPMNE. Duke hequr monumentet, ata thonë se qëllimi i Shilegovit është që të vazhdojë politikën nacionaliste të Zaevit. Sipas grupit këshillues të VMRO DPMNE-së në qytetin e Shkupit, qeveria është e gatshme ta fshijë historinë e popullit maqedonas dhe çdo monument që është i lidhur me të. Monumenti i vetëm i hequr nga projekti “Shkupi 2014” është i Andon Janev – Qoseto.

Igor Stefanovski