Shumë e rëndësishme për shëndetin! Zbuloni në çfarë ore duhet të flini dhe kur duhet të zgjoheni

Në një botë… ideale, të gjithë do të kishim luksin të shkonim në shtrat herët dhe të zgjoheshim herët në mëngjes, të pushuar dhe të gatshëm për të përballuar ditën.

Megjithatë, në botën reale, shumë angazhime të përditshme shpesh e komplikojnë situatën.

Gjumi duhet të jetë prioriteti ynë kryesor pasi është i lidhur me një mori procesesh që e mbajnë trupin tonë të fortë dhe na japin shëndet, mirëqenie dhe, rrjedhimisht, jetëgjatësi.

Rëndësia e një orari fiks

Në mënyrë ideale, siç thamë më parë, duhet të shkojmë në shtrat herët dhe të ngrihemi herët në mëngjes. Ky model gjumë-zgjim që pason lindjen dhe perëndimin e diellit është në përputhje, sipas ekspertëve, me nevojat tona biologjike.

Orari i saktë i gjumit natyrisht varet nga ora në të cilën zgjohemi në mëngjes dhe sasia e gjumit që na nevojitet çdo natë.