Shveinshtejger gjen “fajtorin” e krizës së futbollit gjerman

Shumë pasime e më pak agresion në sulm. Kështu e përshkruan “legjenda” e mesfushës gjermane, Bastian Shvanshtajger situatën e vështirë që po kalojnë Kombëtarja e Gjermanisë, si dhe “bavarezët” e Bajern Munihut.

Sipas, ish-mesfushorit të dalluar të të lartpërmendurave, “faji” për krizën që po përjeton sot futbollit gjerman, vjen nga tekniku Pep Guardiola dhe nga mënyra e futbollit, që ai zgjodhi të përdorte me skuadrën e Bajernit, në kohën u emërua tekniku i tyre.

“Kur ai mbërriti në Gjermani, të gjithë filluan të luanin këtë lloj futbolli, të përbërë nga pasime të shkurtra. Në fund kjo çoi në humbjen e vlerave tona. Skuadrat e tjera na kanë konsideruar gjithmonë një ekip luftarak, që vrapojmë deri në fund. Ne e kemi humbur atë virtyt gjatë shtatë apo tetë viteve të fundit sepse thjesht e kemi harruar. Ne ishim më të fokusuar në kalimin e topit bukur”, u shpreh tepër kritik në fjalët e tij, “legjenda” e mesfushës gjermane.