Si ta bëni më efikase ecjen tuaj të përditshme?
Ecja ka një sërë përfitimesh për trupin, dhe nëse jeni duke menduar se si t'i rritni ato, provoni të mbani një ritëm më të shpejtë ecjeje ose ndoshta të mbani pesha të vogla gjatë ecjes, si dhe të zgjidhni një rrugë më kodrinore.
Edhe pse ecja si një formë ushtrimi mund të mos funksionojë aq mirë sa ushtrimet me intensitet të lartë ose vrapimi, ecja në fakt bën mrekulli për trupin.
Fizikisht, do të përmirësojë shëndetin kardiovaskular duke forcuar zemrën, e cila do të ndihmojë qarkullimin, uljen e presionit të gjakut dhe parandalimin e sëmundjeve të zemrës dhe goditjes në tru. Shëndeti mendor është gjithashtu një përfitim i madh i ecjes. Lëshimi i endorfinës gjatë ecjes do të ndihmojë në përmirësimin e disponimit dhe gjendjes së përgjithshme mendore.
Përveç kësaj, ecja e përditshme mund të ndihmojë në ndërtimin e forcës së kockave dhe muskujve dhe në përmirësimin e shëndetit të kyçeve. Në fakt, njerëzit me dhimbje kronike të shpinës dhe gjurit mund të përfitojnë nga ecja e rregullt.
Për të përmirësuar efektet e ecjes suaj të përditshme, ekspertët rekomandojnë të bëni sa më poshtë:
Mbani një ritëm më të shpejtë ecjeje – Ndërsa mund të jetë e vështirë të dini rrahjet e sakta të zemrës gjatë një shëtitjeje, një mënyrë e mirë për t’u siguruar që po e shtyni veten është të dëgjoni këngë me ritëm të lartë.
Provoni vrapimin me interval ose ecjen e shpejtë – Nëse nuk jeni plotësisht gati për të mbajtur një ritëm të shpejtë ecjeje për të gjithë ecjen, merrni parasysh të përfshini një ritëm më të shpejtë në periudha të caktuara.
Shtoni pesha në ecjen tuaj – Mund të ecni edhe me pesha të vogla ose të bëni disa ushtrime të thjeshta si squats, kërcim me litar ose ecje për të punuar me grupe të ndryshme muskujsh.
Ecni në një shteg kodrinor – Kjo është një mënyrë tjetër për të përmirësuar efektet e ecjes suaj të përditshme. Ecja tatëpjetë është treguar se përmirëson forcën e muskujve të gjymtyrëve të poshtme dhe zvogëlon stresin në sistemin kardiovaskular.
