Si të konfiguroni një telefon Android që të funksionojë më mirë?

Telefonat Android vijnë me cilësime që diktojnë se si funksionon pajisja, pavarësisht se cili model është (e njëjta gjë, natyrisht, vlen edhe për iPhone).

Vetëm për shkak se dikush ka paracaktuar cilësimet nuk do të thotë se ato janë për çdo përdorues dhe lajmi i mirë është se ato mund të ndryshohen për të marrë përvojën më të mirë të mundshme.

Për të ndryshuar disa veçori, përdoruesit duhet së pari të dinë se ku janë, por është e rëndësishme të kihet parasysh se jo të gjitha pajisjet Android janë të njëjta, kështu që opsionet mund të ndryshojnë në varësi të prodhuesit dhe versionit të sistemit operativ.

Ndryshimet në cilësime mund të zgjasin jetëgjatësinë e baterisë, të përfitojnë nga modaliteti i errët dhe të bëjnë një ndryshim të rëndësishëm për sytë e lodhur.

Jeta me një telefon që ka bateri të keqe mund të jetë shumë e ndërlikuar, por fatmirësisht ka hapa që mund të ndërmerren për të përmirësuar situatën.

Sa më i errët të jetë ekrani, aq më pak energji harxhon, ndaj do të ishte mirë të ulni nivelin e ndriçimit nën 50%. Kjo mund të bëhet përmes rrëshqitësit të vendosur në menynë në krye të ekranit. Në disa telefona, kjo veçori është caktuar të rregullohet automatikisht, kështu që duhet të shkoni te “Cilësimet” dhe të kërkoni “Ndriçimi” ose “Ekrani dhe ndriçimi” për ta ndryshuar këtë.

Hap pas hapi si të bëni ndryshimin (kliko mbi imazhin për një version më të madh):

Ekzistojnë gjithashtu opsione përmes të cilave mund të ndryshoni sasinë e energjisë së konsumuar nga aplikacionet. Disa telefona Android kanë një seksion të veçantë “Bateria” në cilësimet, ndërsa të tjerët janë të varrosur midis veçorive të tjera (modelet Samsung, për shembull). Prandaj, ka dallime të vogla midis pajisjeve të ndryshme.

Nëse ka një seksion të veçantë “Bateria” në cilësimet, duhet të klikoni mbi të për të marrë informacione të dobishme se sa energji ka mbetur dhe sa orë do të zgjasë bateria. Ekziston edhe “Power saving Mode” dhe “Ultra Power Saving Mode”, një listë ku mund të shihni se sa konsumon çdo aplikacion dhe gjëra të tjera të mira.

Një mënyrë tjetër për të zgjatur jetëgjatësinë e baterisë, por edhe për të pushuar sytë është Dark mode, pra modaliteti i errët. Të gjitha modelet që përdorin versionin Android 10 e më vonë e kanë këtë veçori (megjithëse shumë aplikacione sot kanë një modalitet të errët, kështu që versionet më të vjetra të Android mund ta zgjidhin problemin).

Google pretendon se modaliteti i errët ka një efekt pozitiv në shqisën e të parit dhe kursen energjinë e baterisë, pasi ekranet OLED kërkojnë më pak energji për të shfaqur sfondet e errëta. Opsioni i rregullimit të ekranit të errët mund të vendoset në vende të ndryshme – në varësi të modelit. Disa telefona kanë një meny në krye të ekranit, ndërsa të tjerë kërkojnë që të shkoni te cilësimet dhe të kërkoni për modalitetin e errët, temën e errët ose edhe modalitetin e natës (Samsung e quan atë).

Shikoni se si të vendosni modalitetin e errët: