Si të pastrojmë krehërin për një higjienë më të shëndetshme të flokëve

Pastrimi i krehërit nuk është vetëm një çëshje pastërtie e vet aksesorit në aspektin e higjiënës por duhet treguar me të vërtetë një kujdes në mirëmbajtjen e tij. Nëse krehëri përdoret në mënyrë frekuente dhe të shpeshtë, dhe pa i larguar asnjëherë mbetjet e fijeve të flokëve që mbeten aty, është me rrezik.

Mbetjet e produkteve kozmetike që përdorim për flokët, për stilimin, fijet e flokëve që qendrojnë aty pas çdo krehje, pluhuri dhe papastërtitë që krijohen në pjesët e sipërfaqes së krehërit janë shkaktarët kryesorë nëse vazhdojmë të kemi flokë të yndyrshëm dhe jo të shndritshëm edhe pasi i keni larë ato.

Ndonjëherë, përdorimi i përsëritur i tij pa treguar ndonjë kujdes të veçantë për higjienën e krehërit, mund të shkaktojë probleme irritimi dhe infeksione të ndryshme. Ja pse është e rëndësishmë të dimë se kur dhe sa herë duhen larë krehërat e flokëve, për një flokë të shëndetshëm dhe të shndritshëm.

Si të veprojmë?

-Fillimisht, hapi i parë është largimi i fijeve të flokëve të mbetura në krehër, me ndihmën e ndonjë furçe dhëmbësh nëse nuk arrini dot ti hiqni me dorë.

-Më pas vendoseni në një enë me ujë të freskët dhe me pak detergjent, sapun neutral ose shampoo delikate. Përdorimi i një furçe dhëmbësh sërish mund të ndihmojë në eliminimin e papastërtive të mundshme dhe në fund të shplahet me ujë të ftohtë dhe të bollshëm.

-Në fund, vendoseni diku që të kullojë dhe të thahet dhe duke u siguruar për tharjen e tij të plotë edhe me ndihmën e një peshqiri.

Ky ritual duhet të praktikohen 1 herë në 2-3 javë dhe nuk duhet neglizhuar.