Rregulli i piramidës përbëhet nga gjashtë nivele dhe sipas ekspertëve të modës, nëse i përmbaheni, do të keni gjithmonë një dollap dhe një gardërobë mesatare për të bazuar stilin tuaj.
Niveli 1: Pjesët bazë (30%)
Pjesët bazë janë ato që shkojnë me pjesën më të madhe të përmbajtjes së dollapit tuaj, si këmishë e bardhë, xhinse, pantallona të zeza, bluza të thjeshta në nuanca bazë, pa aplikime. Këto pjesë duhet të përbëjnë 30% të garderobës tuaj.
Niveli 2: Pjesë të rastësishme (25%)
Këtu përfshihen pjesët që i vishni shpesh, në raste kur nuk visheni në mënyrë specifike dhe nuk janë pjesë e garderobës tuaj të biznesit. Sipas stilit tuaj, në këtë 25% përfshini pantallonat, fundet, fustanet dhe bluzat në të cilat ndiheni më rehat.
Niveli 3: Veshje biznesi (20%)
Pavarësisht nëse vendi juaj i punës kërkon një kod të rreptë veshjeje biznesi apo jo, rrobat e punës duhet të jenë të mira, jo shumë të ndezura dhe të përpikta. Këto pjesë duhet të zënë 20% të garderobës dhe këtu vendosni edhe copat elegante që do të vishnit në një darkë biznesi apo koktej, por jo në një festë.
Niveli 4: Pjesë sezonale (15%)
Këto përfshijnë pjesë që vishen vetëm një herë në vit, si palltot apo rrobat e banjës.
Niveli 5: Veshje në mbrëmje (7%)
Do ta përsërisim, veshjet speciale të mbrëmjes duhet të jenë të ndryshme nga klasa e biznesit dhe ato të rastësishme. Mbani fustanet dhe bluzat me prerje të ulët, fundet mini dhe këmisha mëndafshi brenda kësaj 7%.
Niveli 6: Aksesorë të modës dhe bizhuteri (3%)
Nga vathët tek rripat, shallet, kapele dhe çantat… në 3% të fundit ruani detajet që e bëjnë stilin tuaj unik.
PS Veshjet sportive për stërvitje nuk llogariten në asnjë grup. Dhe këpucët gjithashtu, sepse nuk do të donim të kufizonim veten kur bëhet fjalë për këpucët, apo jo?
