Si të zvogëloni konsumin e karburantit: Nxitim i lehtë ose mbytje?
Nuk është kurrë e pavend të zbulojmë disa truke të reja që do të na ndihmonin të reduktojmë konsumin e karburantit.
Është e sigurt që çdo shofer e njeh më së miri makinën e tij, por ka disa gjëra që janë universale. Për shembull, ngasja e ngadaltë me përshpejtim të butë është ndoshta zgjedhja më e zakonshme e shoferit, por pyetja është, a është me të vërtetë më ekonomike?
Hulumtimet e reja tregojnë se konsumi juaj i karburantit në fakt mund të jetë më i lartë nëse përshpejtoni ngadalë, sepse kërkon më shumë kohë për të arritur shpejtësinë e dëshiruar. Sipas këshillave të shkencëtarëve të Universitetit të Dalarnës, është mirë që “shtrydhja” të dozohet në rreth 2/3 e mbytjes dhe të ndërrohet marshi sa më shpejt që të jetë e mundur.
“Shoferët në përgjithësi nuk e kuptojnë këtë. Nëse keni nevojë për një shpejtësi prej 90 km/h, është mirë të përshpejtoni në mënyrë agresive dhe në të njëjtën kohë të ndryshoni saktë shpejtësinë”, këshillojnë ekspertët.
Të njëjtën gjë arritën edhe shkencëtarët nga universitetet e Opole dhe Wroclaw, të cilët kryen kërkime mbi modelin Toyota C-HR me një motor benzine 1.2 litra, i cili “shkallëzoi nga 30 në 130 km/h. Është e dobishme, energjikisht, që makina të përshpejtojë intensivisht në nivele të ulëta të marsheve për të arritur një shpejtësi ose distancë përfundimtare, përfunduan ata. Siç thonë ata, kjo çon në një reduktim të ndjeshëm të energjisë.
