Sirena alarmi në gjithë Ukrainën, sërish rrezik nga sulmet ruse

Në çdo rajon të Ukrainës po dëgjohen sirena alarmi në këto momente, duke paralajmëruar banorët se një valë e re e bombardimeve ruse mund të jetë duke ardhur.

“Një alarm i përgjithshëm për sulm ajror është vendosur në Ukrainë. Shkoni në strehimore”, thanë autoritetet ukrainase.

Vendi është përballur me një fushatë të re sulmesh që nga tetori, e përqendruar kryesisht në objektet kritike të infrastrukturës. Miliona banorë në të gjithë vendin kanë mbetur pa energji elektrike.