S’kanë të ndalur sukseset e xhudisteve e Kosovës

Xhudistet e Kosovës vazhdojnë me paraqitjet e fundit në garat e mëdha evropiane dhe botërore dhe së fundit i kanë sjellë Kosovës edhe tri medalje nga Katari.  Në Doha, Distria Krasniqi, e ka fituar medaljen e artë në kategorinë 48 kilogram, ndërsa Majlinda Kelmendi dhe Nora Kelmendi kanë fituar medaljen e bronzit në kategorinë 52, respektivisht 57 kilogram.

Pas këtyre suksese të xhudisteve ka reaguar edhe trajneri, Driton Kuka, i cili përmes një postimi në llogarinë e tij zyrtare në facebook ka thënë se kjo ishte ndër ditët më të bukura në jetën e tij sportive si trajner.