Slot: Kemi edhe shumë për të dëshmuar, posaqërisht me ekipet pretendente
Skuadra e Liverpullit ka marrë kreun e renditjes së Premier Ligës pas fitores 2-1 ndaj Vulverheptonit, një ndeshje ku “The Reds” vuajtën jo pak për të marrë tri pikët. Trajneri Arne Slot ndihet i kënaqur nga kjo paraqitje, por shprehet se ekipi i tij nuk ka dhënë ende maksimumin.
“Ndaj Vulverheptonit ishte e vështirë në fillim, por në pjesën e dytë luajtëm shumë më mirë. Energjia dhe intensiteti ishte shumë më i lartë. Ajo që bie në sy është durimi që kemi. Në përgjithësi ishim shumë më të duruar”, u shpreh Slot.
Duke folur për shanset e Liverpullit për të fituar titullin këtë sezon, ai ndjen dhe faleminderin Jyrgen Klopin për punën e bërë në të kaluarën.
“Faza dhe ndeshjet e luajtura në verë na ndihmuan. Lojtarët filluan të besojnë. Ne kemi shumë për të dëshmuar kur hasim me skuadrat pretendente për titull. Është mirë që jemi këtu, në krye të renditjes jemi për momentin, por unë gjithmonë përpiqem të jem realist. Puna e Jurgenit ka qenë fantastike. Ne duhet të dëshmojmë se mund ta bëjmë atë në Ligën e Kampionëve dhe Premier Ligën ”, tha Slot.
