Trajneri i Liverpullit, Arne Slot, ka folur për mediat para ndeshjes që do të luajnë ndaj Sanderlandit. Ai beson ende se skuadra ka mundësi për të bërë diçka ndryshe këtë sezon pas mjaft zhgënjimesh dhe vendit të pestë ku ndodhen aktualisht në Premier Ligë.
“Gjithmonë synon të bësh diçka të ndryshme sepse nuk mund ta krahasosh asnjë sezon me një tjetër. Është ndryshe të udhëheqësh ekipin pas një humbjeje, humbjesh të shumta ose barazimesh të shumta sesa pas një fitoreje”, tha Slot.
“Por, nuk mendoj se dikush në këtë ndërtesë do t’ju thoshte se kam ndryshuar plotësisht. Është ndryshe pas sezonit që po kalojmë tani sesa pas të gjitha sezoneve të tjera që kam menaxhuar, ku gjithmonë kemi bërë diçka të veçantë”, shtoi trajneri i “The Reds”.
Më tej, trajneri i Liverpullit deklaroi se duhet me çdo kusht që të kapin vendin e katërt, që të çon në Ligën e Kampionëve: “Nëse nuk luajmë në Ligën e Kampionëve, atëherë ky sezon do të ishte një dështim, i papranueshëm”.
