Son, vendimi për të ardhmen pas turneut parasezonal në Azi

Koreano-jugori ka kaluar më shumë se një dekadë në Londrën Veriore, por i ka mbetur edhe një vit në marrëveshjen e tij aktuale me Totenham Spurs, që do të thotë se një vendim duhet të merret gjatë muajve të ardhshëm përpara se klubi ta humbasë atë falas.

Trajneri i ri Tomas Frank mund të jetë duke humbur Kristian Romeron dhe Ben Dejvisin , ndërsa ai gjithashtu synon të sjellë Brajan Mbeumon e Brentfordit pas Matis Tel të Bajern Munihut në atë që ka qenë një verë e ngjeshur tashmë.

Tani, sipas “BBC”-së , Son do të marrë një vendim të rëndësishëm për të ardhmen e tij pas udhëtimit në Azi, me çdo mungesë që ka të ngjarë të rrezikojë ndërlikime me organizatorët e turneut që do ta kenë në mendje bazën e madhe të tifozëve aziatikë të klubit, pasi shumë veta vijnë për të parë performancën e Son.

32-vjeçari do të ishte një nga largimet më të diskutueshme të verës, dhe Frank do të kishte një detyrë të vështirë në përpjekjen për të zëvendësuar një nga lojtarët më ikonikë në historinë e klubit.

Klubi ka planifikuar dy ndeshje miqësore kundër rivalëve të Premier Ligës, Arsenalit, në Hong Kong, përpara një ndeshjeje kundër Njuaskëllit në Seul, tre ditë më vonë.