Spanja ndalon aktivistët klimatikë që ndërhynë në muzetë evropianë

Autoritetet spanjolle kanë arrestuar një grup aktivistësh të klimës të akuzuar për organizimin e një sërë aksionesh në muzetë e artit në të gjithë Evropën.

Sipas deklaratave të policisë, 22 individët e arrestuar ishin të lidhur me 65 demonstrata klimatike, duke përfshirë ndalimin e trafikut dhe hedhjen e bojës dhe substancave të tjera në pronën federale. Një zëdhënës i policisë ka treguar se të dyshuarit i përkasin grupit aktivist spanjoll “Futuro Vegetal”, i cili në nëntor të vitit 2022 u bë lajm kur dy nga anëtarët e tij ngjitën duart në kornizat e dy pikturave të Francisco Goya në muzeun “Prado” të Madridit.

Protesta e “Prados” nuk rezultoi në dëmtime të qëndrueshme në veprat e shekullit XVIII, por protestuesit prishën murin midis dy pikturave, një referencë ndaj qëllimit të Marrëveshjes së Parisit për të mbajtur rriten e temperaturës globale nën 1.5 gradë celsius.

Vitet e fundit, aktivistët mjedisorë kanë organizuar aktivitet gjithnjë e më agresive në muzetë e artit në mbarë botën në një përpjekje për të tërhequr vëmendjen ndaj krizës klimatike. Në qershor, dy protestues u arrestuan në Stokholm pasi spërkatën “një lloj boje” në pikturën e Claude Monet “Kopshti i Artistit në Giverny” dhe më pas u ngjitën në kornizën e saj, raportoi Muzeu Kombëtar i Suedisë. Tetorin e kaluar, anëtarët e grupit britanik “Just Stop Oil” hodhën supë me domate në “Sunfloëers” të Vincent van Gogh në Galerinë Kombëtare të Londrës.

Policia tregoi se 22 aktivistët e Futuro Vegetal krijuan një “strukturë kriminale” dhe kishin shkaktuar më shumë se gjysmë milioni euro dëme. Sipas një deklarate të grupit të postuar në “X”, arrestimet janë bërë në dhjetor. Policia raportoi gjithashtu se grupi kishte mbledhur më shumë se 140 mijë euro donacione nga mbështetësit ndërkombëtarë.

Folegj: Sipas deklaratave të policisë, 22 individët e arrestuar ishin të lidhur me 65 demonstrata klimatike, duke përfshirë ndalimin e trafikut dhe hedhjen e bojës dhe substancave të tjera në pronën federale. Një zëdhënës i policisë ka treguar se të dyshuarit i përkasin grupit aktivist spanjoll, “Futuro Vegetal”, i cili në nëntor të vitit 2022 u bë lajm kur dy nga anëtarët e tij ngjitën duart në kornizat e dy pikturave të Francisco Goya në muzeun “Prado” të Madridit.