Spanja, Norvegjia dhe Irlanda njohën zyrtarisht shtetin e Palestinës

Spanja, Norvegjia dhe Irlanda njohën zyrtarisht shtetin e Palestinës. Norvegjia e ka konsideruar 28 majin si “moment historik” mes Norvegjisë dhe Palestinës. Qeveria Irlandeze tha se e njeh Palestinën si një shtet sovran dhe të pavarur dhe ka rënë dakord të vendosë marrëdhënie të plota diplomatike midis Dublinit dhe Ramallah”. Ndërkohë, Kryeministri i Spanjës, Pedro Sanchez, ka thënë se vendi i tij do ta njohë shtetësinë palestineze, duke përfshirë Rripin e Gazës dhe Bregun Perëndimor me Jerusalemin Lindor si kryeqytetin e tij. Ai ka thënë se Spanja nuk do të njohë asnjë ndryshim të kufijve të përcaktuar më 1967, përveç nëse pajtohen palët.

“Ky është një vendim historik që ka një objektiv të vetëm dhe që është të ndihmojë izraelitët dhe palestinezët të arrijnë paqen. Njohja e shtetit të Palestinës nuk është vetëm çështje drejtësie historike ndaj aspiratave legjitime të popullit të Palestinës. Për më tepër, është një domosdoshmëri e përhershme nëse duam të gjithë të arrijmë paqen”, tha Pedro Sanchez, kryeministër I Spanjës. Alsat.mk