Në një intervistë të fundit në The Pat McAfee Show, Schwarzenegger zbuloi rekordet e tij më të mira të ngritjes së peshave në squat, deadlift dhe shtyp në stol.

“Shtypja ime më e mirë në stol ishte 238 kg, ngritja ime më e mirë është 322 kg dhe squat-i im më i lartë është 276 kg”, zbuloi aktori 76-vjeçar.

Komplikime të paplanifikuara

Arnold Schwarzenegger ndau përvojën e operacionit të tretë në zemër. Megjithatë, ai theksoi se në kohën e tij ato shifra peshash mund të dukeshin të pabesueshme, por sot është e zakonshme të shihen shifra më të larta.

Ai tha gjithashtu se cilësia e muskujve është më e mirë tek sportistët e sotëm, por se gjithsesi është krenar për rezultatet që ka arritur në rininë e tij. Nga ana tjetër, Arnold Schwarzenegger pranoi se ende stërvitet çdo ditë dhe se vizita në palestër është pjesë e rutinës që nuk duhet shmangur.

Arnold Schwarzenegger fitoi famë dhe popullaritet të jashtëzakonshëm falë roleve të tij si aktor apo edhe punës së tij si guvernator i Kalifornisë. Por disa e kujtojnë edhe për sukseset e tij në botën e bodybuilding. Gjegjësisht, aktori ka fituar deri në shtatë çmime “Mister Olympia”, një nga garat më prestigjioze në botë për bodybuilding.