Steven Zhang: Interi im është i ri, por edhe më i fortë
Pas ndalimit në shtëpinë e tij në Nanjing, Steven Zhang iu bashkua Interit në kampin stërvitor japonez në Tokio, ku të martën skuadra do të përballet me ish-ët e vet, Millan Shkriniar dhe Ashraf Hakimi, pra me PSZH në një miqësore.
Presidenti i Interit pati një “samit” të vërtetë me Simone Inzagin, Piero Ausilio dhe Xhiuzepe Marotta (të lidhur online nga Milano), ku u diskutua qartë për tregun e transferimeve, duke filluar nga situata e Jan Zomerit dhe sulmuesi i ri, por megjithatë u zbulua kënaqësia me lëvizjet e bëra deri më tani.
“Ky është ekipi im, ky është Interi im; më i ri, më i fortë, më inovativ. Le të ndjekim yllin e dytë”, – mësohet të ketë thënë presidenti zikaltër.
Në takimin e merkatos, situata e Jan Zomer u rishikua, jo pa një prekje padurimi me kohën e marrëveshjes, por Inzaghi u sigurua se portieri zviceran do të jetë zikaltër menjëherë pas përfundimit të turneut japonez.
Bisedimet për sulmuesin e ri janë më thelbësore, investimi më i rëndë që pritet në muajin e ardhshëm, me një rrisi: pavarësisht preferencës së trajnerit të zikaltërve, Alvaro Morata është refuzuar përfundimisht për shkak të moshës, kostove totale dhe gjithashtu për shkak se spanjolli nuk e ka shfaqur atë entuziazëm për të veshur fanellën e Interit, që përkundrazi është karakteristikë që kërkojnë Marotta dhe Ausilio (shikoni rastet e Fratesit dhe Turamit).
Ndaj në tavolinë kanë mbetur dy emra plus një: i pari është Beto, i cili për nga karakteristikat fizike idealisht do të ishte më afër Lukakut dhe do të kishte kosto më të ulët se Balogun. Ky i fundit, megjithatë është emri që i pëlqen më shumë Zhang-ut. Presidenti po shikon përpara dhe shpenzimet prej 40 milionë eurosh, plus komisionet që do të ishin të vështira, mund të shpërblehen në të ardhmen. Përveç nëse shfaqet një emër i tretë i një lojtari që ndoshta nuk është në treg.
