Stoltenberg: Mos e nënvlerësoni Rusinë

“Ne nuk duhet të nënvlerësojmë Rusinë. Raketat dhe dronët rusë vazhdojnë të godasin qytetet e Ukrainës, civilët, infrastrukturën strategjike dhe po shkaktojnë vuajtje të mëdha me fillimin e dimrit.”

Kështu ka deklaruar sot sekretari i NATO-s, Jens Stoltenberg , në konferencën e sigurisë në Berlin, sipas raporteve të Dpa.

Stoltenberg shprehu vlerësimin për armët që Gjermania ka dërguar në Ukrainë, duke theksuar se ato përbëjnë një ndryshim shumë të madh në fushën e luftës.