Studim i ri: Njerëzit transmetojnë dy herë më shumë sëmundje tek kafshët sesa tek njerëzit
Studim i ri: Njerëzit transmetojnë dy herë më shumë sëmundje tek kafshët sesa tek njerëzit
Disa nga sëmundjet më vdekjeprurëse që kanë goditur njerëzimin kanë origjinën nga patogjenët që u transmetuan nga kafshët te njerëzit. Por studimi i fundit shkencor britanik zbuloi se njerëzit transmetojnë dy herë më shumë sëmundje tek kafshët sesa tek njerëzit.
HIV, virusi i mungesës së imunitetit të njeriut, kaloi nga shimpanzetë te njerëzit dhe shumë ekspertë besojnë se koronavirusi e kishte origjinën nga lakuriqët e natës.
Në studimin e ri, u ekzaminuan pothuajse 12 milionë gjenome virale dhe u zbuluan pothuajse 3000 raste të viruseve që kaluan nga një specie në tjetrën, raportoi Reuters .
Nga këto, 79 për qind e rasteve përfshinin një virus që transmetohet nga një specie kafshësh në tjetrën.
21 përqind e mbetur e viruseve përfshinin njerëzit, nga të cilët 64 përqind ishin transmetim nga njeriu te kafshët ose antroponoza dhe 36 përqind ishin rezultat i transmetimit nga kafsha te njeriu ose zoonoza.
Hulumtimet nga Instituti i Gjenetikës në Londër zbuluan gjithashtu se kafshët e egra kanë shumë më shumë gjasa të marrin viruse nga njerëzit se çdo mënyrë tjetër.
