Studimi: Urina e lopëve në mjedis, qindra herë më e dëmshme se CO2
Një projekt kërkimor në Gjermani ka zbuluar se lopët mund të mësohen njësoj si të vegjlit me urinimin, madje më lehtë.
Udhëheqësi i studimit Lindsay Matthews tregoi se 11 nga 16 lopë u trajnuan të urinonin në tualet, po aq shpejt sa do të mësohej dhe një fëmijë.
Në vetëm 15 ditë, studiuesit e trajnuan kafshën të kalonte nëpër një portë të caktuar dhe të hynte në ambientin e përshtatur për urinim.
https://twitter.com/AucklandUni/status/1437601244428783617?ref_src=twsrc%5Etfw%7Ctwcamp%5Etweetembed%7Ctwterm%5E1437601244428783617%7Ctwgr%5E%7Ctwcon%5Es1_&ref_url=https%3A%2F%2Feuronews.al%2Fal%2Fbota%2F2021%2F09%2F16%2Furina-e-lopeve-ne-mjedis-300-here-me-e-demshme-se-dioksidi-i-karbonit-thone-studiuesit%2F
Meqenëse projekti kishte afat të shkurtër, shkencëtarët i dhanë shumë ujë bagëtive në mënyrë që të urinonin më shumë. Përtej situatës komike, ky projekt mund të parandalojë ndotjen e tokës nga urina e lopëve.
Sasitë masive të mbetjeve të urinës po kërcënojnë mjedisin, veçanërisht në Evropë. Një lopë e vetme mund të prodhojë rreth 30 litra urinë në ditë.
“Kur mbani kafshë në ambiente të jashtme, urina e tyre mund të shndërrohet në nitrate në tokë dhe pastaj të arrijë deri te ndotja e ujërave,” – u shpreh Matthews.
“Nitratet shndërrohen në oksid nitroze, i cili është 300 herë më i fuqishëm se dioksidi i karbonit,” shtoi ai.
