Të paktën dy persona humbën jetën dhe më shumë se një milion familje mbetën pa energji elektrike për shkak të një stuhie të fortë të shoqëruar me breshër që goditi lindjen e Shteteve të Bashkuara.
Viktimat janë një djalë 15-vjeçar nga Karolina e Jugut, i cili vdiq kur një pemë ra mbi të teksa po dilte nga vetura dhe një 28-vjeçar në Alabama, i cili u godit nga rrufeja.
Paralajmërimet për tornado ishin në fuqi për 10 shtete nga Tennessee në New York ndërsa shërbimi amerikan i motit njoftoi se paralajmërimi mbulon 29.5 milionë njerëz.
2023 has been an active year for supercells & tornadoes in the USA. @JustonStrmRider & I have documented at least 51 twisters in 2023. This tops the ~46 twisters we witnessed in 2011. Grateful to still be following our passion of chasing storms! pic.twitter.com/JGW2jaIlBc
— Simon Brewer (@SimonStormRider) August 8, 2023
Deri mbrëmë, më shumë se 2,600 fluturime janë anuluar dhe pothuajse 7,900 janë vonuar, sipas të dhënave nga ueb-faqja Flytaver.
Në Maryland, shërbimi i motit ka lëshuar një paralajmërim për përmbytje të mundshme gjatë ditës së sotme.
Pemë dhe linja elektrike ranë në disa vende dhe çatitë e tëra të shtëpive u hodhën në erë.
