Suedia do të aplikojë dozën e tretë të vaksinës anti-Covid
Suedia njoftoi se në vjeshtë do të fillohet me administrimin e dozës së tretë të vaksinës kundër COVID-19.
Në një deklaratë për gazetën Aftonbladet, Koordinatori i Vaksinave i Suedisë, Richard Bergström, deklaroi se si shtesë për dy dozat e administruara, gjatë vjeshtës do të fillohet me administrimin e dozës së tretë, duke shtuar se po ashtu po bëhet plan për dozë të katërt të mundshme.
Bergström vuri në dukje se në mesin e të vaksinuarve me dy doza ka të infektuar me variantin më ngjitës Delta.
“Për shkak se virusi pëson mutacione, përhapja e COVID-19 po rritet në shumë vende pavarësisht vaksinimit të dytë. Edhe pse më shumë se gjysma e popullsisë në Izrael është vaksinuar plotësisht, ka nga ata që janë infektuar me variantin Delta. Për këtë është e nevojshme edhe doza e tretë”, theksoi Bergström.
Sipas shifrave zyrtare, Suedia, vend me dhjetë milionë banorë, deri më tani ka regjistruar mbi 1,92 milion të infektuar me COVID-19, prej të cilëve 14.642 kanë humbur jetën.
