Sulm i armatosur në Teksas të SHBA-së, disa të plagosur

Disa persona janë plagosur si pasojë e një sulmi me armë në shtetin amerikan të Teksasit, njoftuan mediat vendase. Sulmi ka ndodhur në qytetin Bryan, ku raportohet të jenë plagosur të paktën gjashtë persona.

Disa prej të plagosurve janë në gjendje të rëndë shëndetësore. Policia është transferuar në vendin e ngjarjes, por, siç bëhet e ditur, autori i dyshuar i të shtënave ende nuk është kapur.