Sulm me dron izraelit në Liban, dy të vdekur dhe tre të plagosur

Dy persona vdiqën sot dhe tre u plagosën, përfshirë një fëmijë, në një sulm me dron izraelit në periferi të qytetit Saqra, në jug të Libanit.

Ky ishte sulmi i parë fatal izraelit në Liban që nga sulmi me raketa të së shtunës në Lartësitë e Golanit të pushtuara nga Izraeli, që vrau 12 fëmijë dhe të rinj, për të cilin Izraeli fajësoi lëvizjen shiite të Libanit, Hezbollah.