Takimet e presidentes Osmani me liderë partiakë nisin të enjten

Presidentja e Kosovës, Vjosa Osmani pritet të nisë të enjten takimet me liderë partiakë.

Këtë e konfirmoi deputetja e komunitetit boshnjak Duda Balje.

Ajo tha për Klan Kosovën se nga presidentja ka pranuar ftesë takimi, për të enjten në ora 11.30.

Mbetet të shihet nëse e para e shtetit të Kosovës ka ftuar të gjitha subjektet politike për takim më 3 korrik.