Tani është zyrtare, bota është në rrezik: 2023 ishte viti më i nxehtë i regjistruar për shkak të ndryshimeve klimatike

Shifra është shumë afër temperaturës kritike prej 1.5 gradë Celsius të vendosur nga vendet në Paris në 2015, megjithëse temperatura globale duhet të jetë një konstante 1.5 gradë Celsius më e lartë që kufiri kritik të konsiderohet i kaluar.

Shkencëtarët nga Shërbimi i Ndryshimeve Klimatike të BE-së Copernicus (CCCS) thanë se niveli 1.5C ka të ngjarë të tejkalohet për herë të parë në 12 muajt e ardhshëm.

Temperatura mesatare globale ishte 14.98 gradë Celsius në vitin 2023, raportoi Copernicus.

Kjo temperaturë tejkaloi rekordin e mëparshëm prej 14.81 gradë të vendosur në vitin 2016 me një “diferencë të madhe” prej 0.17 gradë Celsius, thanë shkencëtarët e Copernicus.

Temperaturat globale “të paprecedentë” nga qershori e në vazhdim vendosën një rekord të ri, me çdo muaj deri në dhjetor “më të ngrohtë se muaji përkatës në çdo vit të mëparshëm”.

Temperaturat e larta kanë shkaktuar valë të nxehti, përmbytje dhe zjarre, duke marrë jetë dhe duke shkaktuar dëme në mbarë botën.

Analiza zbuloi se ngjarjet ekstreme të motit, të tilla si valët e të nxehtit në Evropë dhe Shtetet e Bashkuara, do të ishin praktikisht të pamundura pa ngrohjen globale të shkaktuar nga njeriu.

“Ekstremet që kemi parë në muajt e fundit ofrojnë dëshmi dramatike se sa larg jemi tani nga klima në të cilën u zhvillua qytetërimi ynë”, tha Carlo Buontempo, drejtor i CCCS, raporton Guardian.

Sipas tij, kjo ka pasoja të thella për Marrëveshjen e Parisit dhe për të gjitha përpjekjet njerëzore.

“Nëse duam të menaxhojmë me sukses rrezikun tonë të klimës, ne duhet të dekarbonizojmë urgjentisht ekonominë tonë duke përdorur të dhënat dhe njohuritë klimatike për t’u përgatitur për të ardhmen,” tha ai.

Të dhënat e CCCS treguan gjithashtu se viti 2023 ishte viti i parë i regjistruar që çdo ditë ishte të paktën 1 gradë Celsius më e ngrohtë se rekordi para-industrial i viteve 1850-1900. Pothuajse gjysma e ditëve ishin më të ngrohta me 1,5°C dhe për herë të parë dy ditë ishin më të ngrohta me më shumë se 2°C.

Shkencëtarët kohët e fundit deklaruan se sistemet e mbështetjes së jetës së Tokës janë aq të dëmtuara sa planeti është “larg nga një hapësirë ​​e sigurt operimi për njerëzimin”.