Taulant Seferi, një bast i fituar nga Silvinjo

Dy golat që i shënoi Çekisë në “Air Albania” janë pa dyshim “qershia mbi tortë” e një vitit kalendarik për t’u mbajtur mend nga Taulant Seferi.

Transferimi i tij në Emiratet e Bashkuara Arabe u duk sikur do ta largonte nga përfaqësuesja kuqezi, por ndodhi krejt e kundërta. Taulant Seferi ia shpërbleu në mënyrën më të mirë të mundshme besimin trajnerit Silvinjo me sakrificën e tij në krahun e majtë të mesfushës.

Janë 17 gola në total me kombëtaren dhe klubet për Taulant Seferin, që tashmë është shndërruar në element kyç në skuadrën kuqezi.