Të dhënat e reja të qeverisë zbulojnë se sa shtetas të huaj bëhen zviceranë dhe cilët janë ata
Të dhënat e reja të qeverisë zbulojnë se sa shtetas të huaj bëhen zviceranë dhe cilët janë ata.
Në vitin 2023, rreth 41,299 shtetas të huaj morën nënshtetësinë zvicerane, sipas të dhënave të reja të mbledhura nga Sekretariati Shtetëror për Migracionin (SEM).
Kjo pasqyron një numër të ngjashëm me ata që janë natyralizuar vitet e fundit që do të thotë se tendenca është mjaft e qëndrueshme, transmeton albinfo.ch.
Pak më shumë se 17 për qind e tyre u natyralizuan sipas procesit të thjeshtuar/të shpejtë që rezervohet për bashkëshortët apo fëmijët e huaj të shtetasve zviceranë, si dhe për të huajt e gjeneratës së tretë.
Shumica, megjithatë, duhej të kalonte nëpër procedurën më të gjatë ‘të zakonshme’.
Nga erdhën këta qytetarë të rinj?
Gjysma e atyre që u natyralizuan erdhën nga Gjermania, Italia, Franca, Portugalia dhe Spanja.
Një e treta (33 për qind) vijnë nga vendet e tjera evropiane, ndërsa 17 për qind vijnë nga vendet e treta.
Çfarë tjetër tregojnë të dhënat?
Përveç numrit të marrësve të pasaportave zvicerane, SEM shikoi edhe shifrat e imigracionit për vitin 2023, shkruan thelocal.ch.
Raporti zbuloi se gjatë vitit, 181,553 shtetas të huaj u zhvendosën në Zvicër – 95 për qind nga shtetet e BE-së ose EFTA-s (Norvegjia, Islanda dhe Lihtenshtajni).
Arsyeja kryesore e lëvizjes ishte punësimi, i ndjekur nga bashkimi familjar dhe arsimimi ose trajnimi.
Njerëz nga jashtë BE-së/EFTA-s përfituan nga 7,480 leje pune – 848 iu dhanë shtetasve të Mbretërisë së Bashkuar dhe 6,632 njerëzve nga vende të tjera të treta.
Kjo do të thotë se kuota e disponueshme për këta njerëz – 12,000 gjithsej, duke përfshirë 3,500 të caktuara për britanikët – nuk u përdor plotësisht.
