Numri i vizitave në gusht ra 3.2 për qind në 1.43 miliardë, pas rënies me rreth 10 për qind në qershor dhe korrik.
Faqja e internetit “ChatGPT” ka shënuar ulje të trafikut në gusht për të tretin muaj radhazi, tha shtëpia analiste “Similarweb”, duke konkluduar se ulja e interesit përkon me pushimet verore të shkollës.
Numri i vizitave në gusht ra 3.1 për qind në 1.43 miliardë, pasi ra me rreth 10 për qind në qershor dhe korrik, zbuloi Similarweb.
Zvogëlohet edhe koha e vizitave, nga mesatarja 8.7 minuta në maj, në shtatë minuta në shtator.
Megjithatë, numri i vizitorëve individualë nga e gjithë bota u rrit pak, nga 180 milionë në 180.5 milionë.
Kthimi i fëmijëve në shkollë mund të nxisë përdorimin e ChatGPT, sugjerojnë analistët, duke vënë në dukje se në disa shkolla i është dhënë dritë jeshile. Në SHBA, përdorimi i chatbot-it u rrit pak në gusht, në fillim të vitit shkollor.
Një nga arsyet duket se janë fëmijët që kërkojnë ndihmë për detyrat e shtëpisë. Përqindja e përdoruesve të rinj në faqen e internetit ra gjatë verës, por tani po rimëkëmbet ngadalë, tha analisti i Similarweb, David F. Kar.
Deri në shfaqjen e “Threads” në “Meta”, “ChatGPT” shënoi rritjen më të madhe në historinë e aplikacioneve konsumatore, dhe tashmë është një nga 30 faqet kryesore në botë, thekson “Reuters”.
