Autofagjia është një nga dietat më të njohura. Shumë nuk e praktikojnë atë vetëm për të humbur peshë, por e trajtojnë atë si një mënyrë jetese. Hulumtimi i ri ka trajtuar ndikimin që ka në tru dhe funksionin e tij.

Çfarë procesi fillon autofagjia në trupin tonë?

Periudhat e kufizuara kohore të marrjes së ushqimit, domethënë periudhat specifike pa ushqim, njihen si autofagji.

Shkencëtarët e kanë përshkruar kornizën kohore në të cilën asnjë ushqim nuk merret si një proces i pastrimit të gjithçkaje që është toksike në organizmin tonë.

Kështu ata arritën në përfundimin se i njëjti proces ndodh në trurin tonë. Në praktikë, thonë shkencëtarët, ky proces i “vetë-pastrimit” ndihmon në detoksifikimin e trurit, duke nxjerrë jashtë qelizat e vjetra dhe të dëmtuara dhe mbeturinat e tyre. Por gjithashtu ndihmon në rigjenerimin e qelizave të reja dhe të shëndetshme.

Studime të shumta kanë treguar se problemet me depozitimin e qelizave të dëmtuara janë të lidhura me Alzheimer, depresion, çrregullim bipolar, skizofreni dhe probleme të tjera neurologjike.

1. Përmirësimi i kujtesës

Kufizimi kohor i marrjes së ushqimit është treguar se përmirëson ndjeshëm kujtesën, sipas një studimi të botuar në Journal of the Academy of Nutrition and Dietetics. Është vërtetuar se pas katër javësh të një diete të tillë, memoria, të mësuarit dhe kujtesa përmirësohen ndjeshëm.

2. Humor më të mirë

Hulumtimet në Journal of Nutrition Health & Aging zbuluan se pas tre muajsh agjërimi me ndërprerje, pjesëmarrësit e studimit raportuan përmirësim të humorit me tension të reduktuar, pa konfuzion.

Një studim tjetër i vitit 2018 që hulumton strategjitë e humbjes së peshës zbuloi se autofagjia ishte e lidhur me një përmirësim të ndjeshëm të mirëqenies emocionale dhe një rrezik më të ulët të depresionit.