Telegram dhe xAI i Musk bashkëpunojnë për të shpërndarë Grok tek përdoruesit e aplikacionit të mesazheve

 Startupi xAI i Elon Musk do t’i paguajë platformës së mesazheve Telegram me seli në Dubai 300 milionë dollarë për të lançuar chatbot-in e saj të inteligjencës artificiale Grok, njoftoi CEO i Telegram, Pavel Durov.

Durov tha se ai dhe Musk kishin hyrë në një partneritet njëvjeçar që “forcon pozicionin financiar të Telegram”.

Përveç pagesës prej 300 milionë dollarësh nga xAI, Telegram do të fitojë gjithashtu 50% të të ardhurave nga abonimet e xAI të shitura në platformë, sipas Durov.

“Këtë verë, përdoruesit e Telegram do të kenë akses në teknologjinë më të mirë të inteligjencës artificiale në treg”, shkroi Durov.