“Tensionet ndër etnik do të rishfaqen”

Tensionet ndër etnik do të rishfaqen si shqetësim në Maqedoninë e Veriut, sepse partitë politike kanë interes vetëm veten dhe ashtu marrin më shumë vota. Këto konstatime i dha Aleksandar Kërzhallovski, Drejtor i Qendrës Maqedonase për Bashkëpunime Ndërkombëtare, në intervistën për Programin 200, në Alsat, (që transmetohet sot në ora 18.00)

Z. Kërzhallovski tha se me vite çështjet ndëretnike nuk ishin shqetësim kryesor, por zhvillimet e fundit paralajmërojnë se ato mund të rishfaqen.
Ai gjithashtu tha Maqedonia e Veriut sipas raportit të progesit te BE-së, ka ngecur në vend dhe se problemet si korrupsioni, gjyqësori dhe mungesa e zhvillimit bëjnë që vendi tu rikthehet çështjeve që duhet të jenë të tejkaluara.