Shpërthimi i fuqishëm në hotelin e kryeqytetit kuban duket se është shkaktuar nga një rrjedhje gazi dhe ka shkatërruar shumë nga muret e jashtme të Saratogas me pesë yje, raportoi AP.

Të paktën tetë persona kanë vdekur.

Asnjë turist nuk ishte në hotelin me 96 dhoma sepse po rinovohej, tha pronari i saj, Reinaldo García Zapata.

Shpërthimi shkatërroi strukturën e shekullit të 19-të.

Zyra e Presidentit Miguel Diaz-Canel tha se të paktën tetë njerëz kishin vdekur dhe se përpjekjet e kërkimit dhe shpëtimit ishin duke u zhvilluar për njerëzit e bllokuar.

Raportohe për 13 persona të zhdukur dhe rreth 30 të plagosur. Një shkollë ngjitur u evakuua dhe mediat lokale të lajmeve thanë se asnjë nga fëmijët nuk ishte lënduar.