Tifozët, heqin simbolin e Kurtua-s nga “Wanda Metropolitano”

Pllaka e Tibo Kurtua në “Wanda Metropolitano” u hoq të hënën, vetëm tre ditë pasi portieri belg tha në prag të finales së Ligës së Kampionëve se tani ishte në anën e mirë të historisë, në lidhje me finalen e humbur ndaj Reali Madrid në Lisbonë, kur ai ishte në portën e Atletiko Madridit.

Të hënën, presidenti i Atletiko-s, Enrike Çerezo iu përgjigj dëshirës së disa tifozëve të Atletiko-s për të hequr pllakën e çmimit të Kurtua-s.

“Nëse doni të hiqni pllakën e Kurtua-s, shkoni me sëpatë dhe lopatë dhe hiqeni atë”, tha Çerezo.

Disa orë më vonë, pllakata e portierit belg në shtegun e legjendave të “Wanda Metropolitano” është hequr. Kujtojmë se Kurtua është një nga lojtarët e konsideruar si legjenda nga Atletikos, i cili vendos një pllakë për çdo lojtar që arrin 100 paraqitje me fanellën e skuadrës spanjolle.