Trajneri i ri i Uest Hemit kërkon sulmuesin e kombëtarës së Shqipërisë
![](https://alsat.mk/wp-content/uploads/2022/04/Julen-Lopetegui-shouts-out-to-his-players-during-the-Europa-League-round-of-16-second-leg-soccer-match-between-West-Ham-United-and-Sevilla-780x470.jpg)
Armando Broja mund të ketë një opsion mjaft interesant për të ardhmen e tij në Premier Ligë. E përditshmja britanike “Mirror”, ka bërë të ditur se sulmuesi i kombëtares së Shqipërisë ka zgjuar interesin e klubit të Uest Hemit, i cili e monitoronte edhe më parë.
Trajneri Dejvid Mojs kishte kërkuar futbollistin edhe më parë, por pa shumë sukses. Me largimin e tij nga drejtimi i këtij klubi, pak mendonin se Uest Hemi do të vazhdonte të ndiqte Brojën, sidomos pas 4 muajve të fundit larg çdo pritshmërie te Fulhami.
E përditshmja britanike bën të ditur se edhe pasardhësi i Mojsit, Zhulen Lopetegi, është i interesuar për Brojën. Ish-trajneri i Real Madrid dhe Spanjës, tashmë kërkon të rinojë skuadrën dhe të nisë një projekt të ri, me emrin e Brojës në listën e atyre që klubi sheh si përforcime të mundshme në një merkato vere që pritet t’i shohë si protagonistë me shumë lëvizje të programuara.