Trent Aleksander-Arnold largohet nga Liverpulli, mësohet edhe destinimi i ardhshëm

Trent Aleksander-Arnold duket se do të largohet nga Liverpulli, pas 9 viteve të kaluara në ekipin e parë. Liverpulli dalëngadalë po pajtohet me idenë se Trent Aleksander-Arnold mund të mos rinovojë kontratën e tij.

Marrëveshja aktuale e mbrojtësit të djathtë do të skadojë në fund të këtij sezoni, duke lënë një mundësi reale për një transferim te Real Madrid.

Sipas raportimeve nga “Marca”, Liverpulli gradualisht po fillon të pranojë realitetin që Trent Alexander-Arnold nuk do të rinovojë kontratën e tij. Real Madridi ka qenë i lidhur me Alexander-Arnold gjatë gjithë këtij viti. Ata thuhet se janë të prirur për të siguruar 26-vjeçarin anglez si pjesë e planeve të tyre të ardhshme.

Liverpulli tani përballet me një vendim të vështirë, pasi duket e pamundur që Aleksander-Arnold të zgjasë qëndrimin e tij në klub. Mundësia për ta humbur atë pa fituar asnjë para po bëhet më realiste çdo javë që kalon.