Trudeau u kërkoi kanadezëve të largohen nga Libani

Ekziston një rrezik real i një përshkallëzimi në konfliktin midis Izraelit dhe Hezbollahut të mbështetur nga Irani, dhe kanadezët duhet të largohen nga Libani ndërsa munden, sepse Otava mund të mos jetë në gjendje të evakuojë të gjithë nëse situata përkeqësohet, ka kërkuar kryeministri kanadez Justin Trudeau.

“Ne shohim se rreziku i përshkallëzimit është real, sfidat në rajon janë të rëndësishme. “Ne jemi duke bërë disa përgatitje për të qenë në gjendje të ofrojmë mbështetje në rast se gjërat përkeqësohen shumë, shumë, por situata është aq e rëndë sa ne mund të mos jemi në gjendje t’i nxjerrim të gjithë kanadezët,” u tha Trudeau gazetarëve në Ontario.

Frika nga përshkallëzimi i konfliktit në Lindjen e Mesme u shtua pasi komandanti i lëvizjes libaneze të Hezbollahut, Fouad Shukr, u vra në Bejrut në fund të korrikut dhe lideri politik i Hamasit, Ismail Haniyeh, u vra në Teheran.