Trump: Çmimet e karburantit do të bien shumë shpejt
“Nuk mund ta lejojmë Iranin të ketë një armë bërthamore”, tha Trump në një takim të bizneseve të vogla në Shtëpinë e Bardhë.
Deklaratat e tij vijnë pasi Komanda Qendrore e SHBA-së (CENTCOM) njoftoi se shkatërruesit me raketa të telekomanduara të Marinës Amerikane po operojnë aktualisht në Gjirin Persik, pasi kanë kaluar nëpër Ngushticën e Hormuzit si pjesë e Operacionit Projekti Liria, i cili synon të sigurojë lirinë e lundrimit për anijet tregtare.
“Ata nuk kanë marinë, nuk kanë forcë ajrore, nuk kanë mbrojtje ajrore, nuk kanë radar, nuk kanë udhëheqës. Në fakt, udhëheqësit kanë ikur, por nuk mund t’i lejojmë të kenë armë bërthamore”, tha Trump.
Trump shtoi se pret që çmimet e larta të karburantit të ulen “shumë shpejt” pas përfundimit të luftës me Iranin.
Më herët të hënën, ai tha gjithashtu se ushtria amerikane kishte shkatërruar shtatë “varka të vogla” iraniane.
