UEFA cakton gjyqëtarët për ndeshjen Shqipëri-Kroaci
![](https://alsat.mk/wp-content/uploads/2024/06/Mehdi-Rahmauni-Fransoa-Leteksie-dhe-Siril-Munier-780x470.jpeg)
Shqipëria do të luajë të mërkurën ndaj Kroacisë ndeshjen e dytë në finalet e Kampionatit Evropian “Gjermani 2024” në stadiumin “Volksparkstadion” të Hamburgut, duke nisur nga ora 15:00. Sfida e dytë e kuqezinjve në Evropian do të gjykohet nga një trupë arbitrash francezë.
Kryesori i këtij takimi do të jetë arbitri francez, Fransoa Leteksie, teksa asistentët e tij do të jenë Sirill Munjie dhe Mehdi Rahmouni. Në rolin e arbitrit të katërt në këtë ndeshje është emëruar Sandro Sherer. Ndërsa, Villi Delajod do t’i vijë në ndihmë arbitrit kryesor nga dhoma e VAR-it.