UEFA: Premier Liga para La Ligës dhe Serie A

Kampionati anglez i futbollit i ka dhënë fund dominimit 9-vjeçar të klubeve spanjoll në Europë, duke marrë për herë të pare, që nga viti 2012, kryesimin në renditjen e UEFA-s. Fitorja e Mançester Junajtid në Ligën Europa, i dha pikët e mjaftueshme skuadrave angleze që të merrnin këtë pozicion në renditjen e kampionateve, pasi më parë sukseset e Realit, Barcelonës apo Seviljes kishin garantuar që Spanja të ishte në majë për disa vite me radhë.

Tani Anglia është para Spanjës, Italisë, Gjermanisë dhe Francës. Ndërkohë kampionati i Maqedonisë renditet në vendin e 38-të, duke lënë pas atë të Shqipërisë në vendin e 41 dhe Kosovës në pozitën e 48-të.