Uganda po shqyrton një ligj që do të kriminalizonte personat LGBT+

Parlamenti i Ugandës shqyrtoi sot një projekt-ligj që do të kriminalizonte identifikimin si
LGBT+.

Deputetët besojnë se ndalimi aktual i marrëdhënieve të të njëjtit seks nuk është efektiv, raporton Reuters.

Siç thuhet nga agjencia britanike, homofobia është e rrënjosur thellë në ndjenjat shumë konservatore dhe fetare të kombit të Afrikës Lindore, dhe praktikimi i marrëdhënieve të të njëjtit seks dënohet me burgim të përjetshëm.

Më shumë se 30 vende afrikane ndalojnë marrëdhëniet mes të njëjtit seks, por ligji i Ugandës, nëse miratohet, do të jetë i pari që kriminalizon vetëm identifikimin si pjesë e komunitetit.

Ligji i propozuar i Ugandës synon t’i mundësojë vendit luftën me “kërcënimet ndaj familjes tradicionale heteroseksuale”, sipas agjencisë britanike.

Ky propozim ligjor parashikon një dënim deri në 10 vjet burg për këdo që identifikohet si LGBT+./euronews.al/