Ukraina: Rusia ka filluar t’i paguajë pensionistët e Mariupolit në rubla

Forcat ruse në Mariupol kanë filluar të paguajnë pensionet në rubla ruse, duke përdorur para të gatshme, sipas një njoftimit të një këshilltari të kryebashkiakut ukrainas të atij qyteti, shkruan CNN.

“Pensionet ruse po u shpërndahen pensionistëve në rubla – gjë që tregon shumë qartë se si funsksionon ekonomia ruse. Pra ju e kuptoni se çfarë po ndodh atje: Radhë të mëdha, zënka, skandale, për shkak të vapës, sepse në të vërtetë nuk ka asnjë organizim. Domethënë nuk organizohet asnjë proces”, tha ai.

Agjencia shtetërore ruse e lajmeve RIA Novosti ka raportuar se janë pranuar rreth 46,000 aplikime për pagesën e pensioneve dhe se Republika Popullore e vetëshpallur e Donetskut ka filluar t’i paguajë të moshuarit në rubla.

Por sigurisht ka një pjesë të të moshuarve në Mariupol  përkatësisht 20-30% që nuk e kanë pranuar pushtimin dhe nuk kanë dorëzuar qëllimisht dokumentat dhe 5% të tjerë nuk kanë pasur mundësi të paraqiteshin fizikisht për të dorëzuar dokumentat.

Kjo është një situatë kritike për gjendjen në të cilin ndodhet qyteti,” tha ai.